id="top" class="rtl post-template-default single single-post postid-98946 single-format-standard">
الرئيسية / الاخبار الرياضية / ايمن كبوش يكتب بعنوان الكاردينال يتصدر مجلة الاحكام القضائية 2016

ايمن كبوش يكتب بعنوان الكاردينال يتصدر مجلة الاحكام القضائية 2016

الكاردينال يتصدر مجلة الاحكام القضائية لعام 2016
>صدر عن المكتب الفني.. والبحث العلمي للسلطة القضائية السودانية، العدد الجديد من مجلة الاحكام القضائية السودانية لعام 2016 وقد جاءت المجلة في ثوب قشيب.. وصفحات باهية زاهية من الحجم المتوسط.. او حجم الـ A4 وأهم ما فيها بالنسبة لنا كرياضيين.. ان المجلة المهنية المحكمة.. اهتمت بقضية الموسم الرياضي الماضي.. وهي القضية التي تقدم بها الاخ الصادق المهدي درار بالتضامن مع الاخ الاستاذ صلاح احمد ادريس.. بواسطة المحامي الدكتور كمال محمد الامين عبد السلام.. ضد قرار مفوضية هيئات الشباب والرياضة بولاية الخرطوم والسيد اشرف سيد احمد حسين الكاردينال كمطعون ضده ثان ومشكوك في اهليته لرئاسة نادي الهلال.. باعتبار انه خالف النظام الاساسي واللائحة والقانون.
>نشرت المجلة القانونية الاولى في السودان.. اهم قضايا العام 2016 وقامت بنشر المرافعات المقدمة من هنا وهناك.. وكان ومحورها اشرف سيد احمد حسين مع الاشارة لادانته بجريمتي التزوير والاحتيال وعدم اهليته في رئاسة نادي الهلال.. وقد جاء ذكر الفقرة: (الا يكون قد ادين في جريمة تمس الشرف والامانة) كثيراً.. كثيرا.. وهذا ما ذهبت اليه مذكرات قضاة المحكمة القومية العليا..
>بالامس تساءل الشيخ احمد حسب الرسول بدر رئيس اللجنة الاستشارية لنادي الهلال عن اسباب معاداة الآخرين لاشرف سيد احمد الكاردينال.. تساءل الرجل وبراءة عصام حسين وفوزي المرضي في عينيه.. ونحن بدورنا نهديه نسخة من مجلة الاحكام القضائية لعام 2016 لعله يعرف السبب لكي (يبطل العجب) لاننا ايضا نعرف ونعلم.. والشارع الهلالي يعرف ويعلم اسباب دفاعه المستميت عن الكاردينال!!
>ما احتوته المجلة القضائية خطير.. وخطير جداً لانه سيبقى لاجيال قادمة.. وسيطرح امام المهتمين والدارسين من اهل الاختصاص.. على انه حقائق ماثلة.. حقائق جاءت نتاج خبرات وعصارة تجارب افضل قضاتنا الذين يمثلون واحدة من اعلى الجهات القانونية في البلد ولكن..!!
>هل سنقول للاجيال القادمة ان من صدرت في حقه هذه الاحكام، ظل، رئيساً لنادي الهلال..؟
>التاريخ سيدّون وسيحفظ ليبقى.. فماذا نقول للاجيال القادمة وبم نبرر للذين سيطالعون مجلة احكامنا القضائية ليأخذونها كحجة قانونية يجب الاستناد عليها.. ماذا نقول.. نحن؟ وماذا يقول: سعادة السيدة/ سوسن سعيد شندي.. قاضي المحكمة العليا.. رئيسا.. سعادة السيد/ احمد عبد اللطيف احمد.. قاضي المحكمة العليا.. عضوا.. سعادة السيد/ احمد البشير الهادي..قاضي المحكمة العليا.. عضوا.. سعادة السيد/ احمد عبد الرحمن علي.. قاضي المحكمة العليا عضو.. سعادة السيدة/ اميرة يوسف علي بلال.. قاضي المحكمة العليا.. عضواً.. ماذا يقولون للاجيال القادمة.. هل مضى حكم القانون في الكاردينال؟!!
>اعود للشيخ احمد حسب الرسول لاقول بان حواره الركيك لم يضف جديداً غير تلك (المطاعنات) التي وزعها شمالا ويميناً للمعارضين المفترضين حتى تستمر (الحظوة الكاردينالية) المؤقتة.. ولكن دعني أسألك سؤالا ايها الشيخ: اين السيد محمد حمزة الكوارتي من لجنتكم المساعدة هذه؟ ألم يكن صاحب عطاء اكبر من معظم (الكومبارس) الذين حظيوا بعضوية اللجنة؟ ليس هناك سبباً واحداً يقدم الشيخ احمد حسب الرسول او الخليفة مختار مكي او الدكتور احمد دولة او الطيب قرشي.. على محمد حمزة الكوارتي.. اللهم الا اذا كانت هذه رغبة الكاردينال الذي قادكم لهذا (الانبطاح) فما عدتم تستحون من القول: (من يعادي الكاردينال.. يعادي الهلال).. لا بالله.

التعليق بواسطة فيس بوك

7 تعليقات

  1. ياربي ايمن كبوش يكون قابض كم في المقال ده غايتو صلاح ادريس لو ماانصفك ياايمن الاتكتب بعد ده عن ادم سودامال عسي ولعل يخليك من الحظوة خليكم كده جاريين والكاردينال ده ياجننكم ياكمان جنيتو منو قاعد علي قلبكم ومصرانكم

  2. ايمت كبوش انت احقد من صباح إدريس والمحرش ما بحاول الهلال والكردنال خط احمر . وانت ما تشبه الهلال وأخلاق حمزة وصحافة الهلال

  3. ههههه يااخوانا الزول قال كلام مكتوب في مجله القضا يعني ماجاب حاجه من عندو كلام بتاع محكمه وكلام قضا وكلام من الجهه العدليه الاولي في البلد وماتقعدو تقولو كلام مامنطقي وتسفهو وتنبذو ساي الموضوع واحد من اتنين :

    يا الكلام المكتوب في المجله ومعناهو الكاردينال حرامي ومحتال ومابيستحق يبقا ريس للهلال قانونيا ده كلام كضب ساي والقضا ديل كضابين ومرتشين ودافع ليهم الارباب .

    ياكمان فعلا الكاردينال ده محتال ومزور

    تعالو عديييييل واختارو واحد من الاتنين ديل لانو مافي تالت
    ماتقعدو تنبذو في كبوتش ده ساااي .

    وبعدين الارباب يدفع ليهو لي شنو الارباب الكلام الداير يقولو بكتبو برااااهو مامحتاج يدفع عشان يكتبو ليهو .

    ياخوانا والله القصه ماقصه دفع الشغله قناعات
    هسي انتو بتمدحو في كردنه ده كدي معناها بدفع ليكم ?

  4. الشاذلى عبدالله محمد حامد

    باخوانا ده شنو الطلع لينا جديد الاسمو ايمن كبوش ده ود عمو لبوش ده داير ليهو ضربه بجزمه من جزم الكردنال عشان نذكرك ضربه بوش خلاص خلص خليتو رئيس الهلال وقبلتو رئيس المجلس الاستشارى يعنى دخلت فى اللحم الحى ناس طه على البشير واخوانه وناس على قاقرين ورموز الهلال مدد ياشيخى حسب الرسول واشرف مدد وكمان دحلت اسم النساء وقاضيه محكمه عليا خلاص تمت الناقصه اسمها منو سعادة السيدة/ سوسن سعيد شندي.. قاضي المحكمة العليا.. رئيسا رينا موجود وانشاء الله كاس افريقيا للهلال قولو امين

  5. وسيدك المحبوس أخباره ماملت جرايد المملكة كلها بسبب قضايا التزوير في الأراضي ولاشنو؟
    والله صحي ياها البقت عليك قولة مجبورة خادم الفكي علي الصلاة، وإنت واحد لاتملك قلمك وبالتالي لاتملك قوتك
    شلة كليبات بتكتب بي تناغم مع سيدها المحبوس، والغريبة مافي واحد منهم كتب عن الفضيحة الدولية في المملكة البسببها إتحبس ولي نعمتهم، وبعد ده جايين يعملوا فيها بيتكلموا عن الفضيلة في المجتمع وعاوزين يركبوا القانون مطية لصالح سيدهم
    طيب إنتوا لو فيكم واحد راجل مايكتب عن فساد المسئولين والتحلل والبلاوي المتلتلة، ولا عشان ديك فيها رج وسيك ميك مابتقدروا عليها؟
    الحق والفضيلة لايتجزآن، فيا إما تنتقدوا جميع الفساد الموجود في البلد وعلي عينك ياتاجر ويا إما كمان تنطموا وتنقطونا بسكاتكم، بس عاد نقول شنو، مافي واحد بيقدر يهوب علي المكانة ديك لأنكم جبناء وراهنين أقلامكم في يد زول محبوس بسبب العظام البيرميها ليكم من حين لأخر.
    قبح الله وجهك كما هو قبيح أصلاً وموسوم بسواد نيتك يا أبا دلامة
    وقبح وجه المتلون العرص بلحة

  6. بداً .. لا تأمن القيفة هدوء الموج وثانياً وفقاً للعديد من اعمدتك نصنفك ايضا زول لصلاح ادريس وثالثا انت تنادي بما تات انت نفسك بمثله وامثالكم من يحاول ان يجعل من الهلال مقبره لصراعات بعض الجهله المنتمين اليه بالوقوف مع هذا ضد ذاك ولعمري ان هذه ليست بصحافه وعلى الصحفي ان يكون نفسه وان يكون الصدق لا ضير مع اي كفة كان او جاء ولكن ان تغلب مقالات الكاتب على الوقوف في كفة معينه دون الاخرى فهذا ما يؤكد تصنيفنا لشخصك والعدل ان تجي صدقا في ذكر سلبيات هذا وهذا وايجابيات هذا وهذا ولهذا نحسبك دودة ماصة تتبع لرهط ما .. دا رد لعمود كبوش غير المذكور واظن ان فيه جزء يتناسب وتعليقاتكم واحييك اخي سالم على تعليقك الكافي ووافي ولا فض فوك

  7. لم يترك الاخ سالم لنا ما نقوله كتعليق وافتكر انه قد اجاد وافاد في تعليقه .. فقط ازيد عليه امنيتي في ان تكون لي سلطه على الكثير من ما يسمى عندهم كتابات وهو جهل وفوضى ولا ادرى ما هي معايير ان يكون لك عمود في صحف مطبوعه تعبر فيها عن راي لا يرقى للقرءاة والاطلاع في مواضيع انشاء في مدارس الثانوي وبكل اسف يفرض علينا كصحفي ، وبناءاً على مثل هكذا كتابات نتراجع نحن كشعب في كل المجالات وليس ذلك بغريب في ظل وجود صحافه يكتب فيها امثال كبوش ومن على شاكلته والصواب أن الصحافه هي من يقود الشعوب نحو افاق ارحب ومستقبل زاهر وتغيير اني لكل مظهر سالب عبر كتابها وتنويرهم لمجتمعاتهم وتثقيفها وتطويرها ووووو وليس العكس

اضف رد

لن يتم نشر البريد الإلكتروني . الحقول المطلوبة مشار لها بـ *

*