id="top" class="rtl post-template-default single single-post postid-98826 single-format-standard">
الرئيسية / الاخبار الرياضية / الارباب يكتب بعنوان وفيها من الكذب ما فيها

الارباب يكتب بعنوان وفيها من الكذب ما فيها

وفيها من الكذب ما فيها
وهذا العنوان من ثنايا حديث كردنة والذي جاء فيه: ده “ويقصد الابن بوغبا لاعب أهلي شندي” لاعبنا 2007.. اللاعب ده هو الأصر وهو الاتصل قال داير يجي الهلال وهو بحب الهلال وسماه أبوه لامن ولدو سماه والي الدين تيمناً بوالي الدين يرحمه الله لاعبنا.. والأسرة كلها هلالابية وعشان لو في واحد قال عندو فضل عليه غير الهلال كاذب.
و”كاذب” هذه حكم الكاردينال الذي نقبل به ونقبل بحكمه بعد أن يعرف، وتعرفون هذه الحقائق التي سأوردها كما جاءتني إضافةً لما كان عندي أصلاً ولا تنسوا أنني قد كنت رئيساً لمجلس إدارة نادي الهلال منذ عام 2005 وحتى يوليو 2010 وهي الفترة التي كانت فيها تجربة البراعم.
وقبل أن أبدأ في سرد الحقائق التي حصلت عليها مؤخراً فإنني أذكر بأن تجربة البراعم قد جاءت لربط النشء وأسرهم بالهلال، ولعل أحد الإخوة أعضاء ذلك المجلس يلقي علينا بعض الإضاءات أو أحد الإخوة أعضاء الفريق أو الجهاز الفني ولعل الأخ الكوتش شوقي يكون أحد أولئك أو أحد الملمين والمتابعين لهذه التجربة الوليدة والتي لم تستمر طويلاً، لكن المهم هنا أنها قد كانت تجربة لم تتعدَ مرحلة الكشف أو الاستكشاف وكانت أسبوعية صباح كل جمعة لفترة لم تطل ولا يُمكن أن تكون ذات فائدة على أي ابن من أبنائنا أولئك وأعني تلك الفائدة الملموسة، وإلا فليذكر لنا الأخ علي عثمان عبد السلام اسم أحد البراعم غير الابن والي الدين خضر.
الابن والي الدين خضر جاء إلى أهلي شندي من فريق المستقبل أحد فرق رابطة الدروشاب محطة (6) ليكون أهلي شندي أول ناد سجل الموهبة الفذة والي الدين ولم تسعف والي الدين موهبته ليكون أساسياً في الأهلي فاقترح الابن العزيز عبد المهمين ان ينتقل والي الدين إلى ناد صديق ليصقل موهبته باللعب المُستمر ولم يكن هناك أقرب من نادي النيل شندي كما ذكرت.. وهذا هو تاريخ وكامل تجربة الابن والي الدين.
ويقول الابن الموهبة المتفتحة والي الدين بأن واحداً اسمه كوارتي قد اتصل به قبل مباراة التريعة في ختام الدوري وقال له: الناس ديل عايزنك ويقصد نادي الهلال، وأضاف القول بأن: “نائب رئيس النادي واسمه سعد العمدة”. حيتصل بيك، وتسأله.. هل اتصل بك الأخ سعد العمدة؟ فيقول نعم اتصل بي وقال لي كلام كويس وقلت ليهو ما عندي مشكلة إنتو اتكلموا مع ناس النادي وأقنعوهم.. أنا ملزم بعقد وإذا أقنعتوهم ما عندي مشكلة.
وأذكر هنا الكاردينال وكل المتابعين بأن نادي الهلال، وربما استجابة لنصيحة اللاعب كتبوا خطاباً وجاءوا به للفندق الذي كان يعسكر فيه النادي الأهلي.
وتجربة الابن الفلتة والي الدين كانت قد سبقتها تجربة مماثلة مع الابن الكابتن بوي، ولعل خير من يلخصها هو الأخ الأستاذ الشاعر فتحي الجعلي في هذه الرسالة:-
“أنا أذكر أن مشكلة الهلال كانت في الطرف الأيسر قلت ليك نجيب عبد اللطيف قلت لي في الخمس خانات بتاعة الشباب المسموح لهم بالمشاركة بتضيعوا وحيتشطب، نوديهو أهلي شندي ينجض هناك وقد كان، فلعب عبد اللطيف لأهلي شندي ونسبة لصغر سنه اكتسب اسم بويا.. أو بوي Boy وقد أطلق عليه الأخ الأكبر الأستاذ خضر ابو السعود.
وأعود للعنوان وكاذب هذه قصدني الكاردينال بها لا احد غيري، إذ كنت قد قلت ما وصف الكاردينال ما يقوله بأنه “كاذب”.. وهذه المقولة منه ستكون واحدة من مرتكزات القضية الكبييرة يا كردنة!!.

التعليق بواسطة فيس بوك

20 تعليق

  1. كتابات تدل على الحالة النفسية التي يعيش فيها المال ماكل شىء

  2. بس انت امباكر فجر تعأل ابواب المحاكم مشرعة وفى انتظارك لاحتضانك والترحيب بك فى بلدك الثانى واعلم بان القضاة لن يطلبون شهادة فى حقك متى ما اشتكى احد لانهم يسمعون ويقرأؤن ويشاهدون ماظللت تقوله وتكتبه من خلال المنابر التى يتاح لك الظهور خلالها كل ذلك مرصود خمسة سنة من الاساءة للكاردينال وحده تجاوزت فيها كل الخطوط الحمراء حتى طالت اسرته الصغيرة والكبيرة وطالت حتى القضا نفسه واحكامة والقضايا قيد التقاضى والتى شطبت بل حتى وصل بك الامر عندما لم تجد من يقول لك قف التعدى الى الوزير الاستاذ عبد الباسط سبدرات والقول بانه هو الذى منع تنفيذ حكم القبض على الكاردينال . فاسرع فانا من المنتظرين!!!!!

  3. اصبحنا واصبح الملك لله …
    اين هى اركان القضية التى سترفع ضد الكاردينال فيما قاله .. صلاح ادريس قال ان الكاردينال قصده عندما قال لو فى واحد قال ان له فضل على اللاعب غير الهلال كاذب ..
    انه يحاكم الضمائر ولو كنت مكان وكيل النيابة او المتحرى شأشطب القضية من قولة تيت اذ لا وقائع تستدعى نشوء قضية من اساسو .
    ياخى كدى قول لينا قضية ابن عمك البرير الذى سب العقيدة فى المقصوره امام كثير من الشهود الحصل فيها شنؤ وووووووو كما يكتب الفاتح جبره ولا حصلت خط هيثرو ..
    وما علاقة تسجيل بوى بقصة هذا اللاعب الا التشابه فى التخزين تلك السياسة البائسة التى اوقفها شداد الان .. تانى مافى تخزين .. بس اعاره لثلاثة لاعبين لثلاث اندية مختلفه .. شايف كيف ..
    بعدين قضية تسجيل الاعب زى الخطوبه لابد من الاتفاق اولا بين الشاب والشابه ثم تطلب الشابه أن يذهب اهل الخطيب الى اهل الخطيبه لطلب يد البنت رسميا .. ولهذا تم مشاورة الاعب بوقبا اولاً ووافق قبل كتابة الخطاب من الهلال لطلب خدمات الاعب بوقبا ..
    اين الخطأ هنا .. وقد سلك الهلال الطريق الصحيح .. وهل تفتكر يا صلاح ان الهلال فى حوجه لنصيحة الاعب حتى يسلك الطرق الصحيحة ثم ان اللاعب ليس غنمايه يباع ويشترى فى السوق دون علمه وموافقته مسبقاً .

    والله لو عدينا الإساءات والنبذ القالوا صلاح ادىيس فى كردنه وبالمباشر لتم تأليف كتاب منه ..
    امس الجمعة القريبه دى كان عنوان مقال صلاح ادريس ” كدى .. كدى … ياكردنه ” وهو يصف كردنه بالترله فى قول الاغنية ” كدى .. كدى يالترله “.
    انا اقترح على محامى كردنه رفع قضية ضد صلاح ادرس بالتزامن مع قضية صلاح ادريس عشان يعفن ويتشمه ..والرهيفه التنقد كما فى تقافة ناسك يا صلاح ادريس ..
    عليك الله يا صلاح ادريس كما قلت لجماهير الهلال فى تسجيل صوتى ” يا خوانا انا حصل كضبت عليكم ” عشان نرد عليك ” لالالالالالالا”
    والله يا صلاح ادريس ما فضل ليك الا تشرب السجاير ..
    واخيراً صلاح ادريس : ياخى اختشى ….

  4. هذا الصلاح اليس هو موظف بنك النيلين بالدويم حتي نهاية السبعينات , ام شخص آخر ؟؟؟ خرج من السودان بشنطه أعارها له النقيب شرطه محمد نور بدوي الامين حينها (عميد معاش متقاعد حالياً) ولايزال علي قيد الحياه بمنطقة جبل الاولياء.
    ولم يٌعيد الشنطة التي إستعارها حتي الآن ولم يسأل عن صاحبها إلا مرة واحده عندما علم بأنه مريض وطلب من أحدهم أن يطلب منه أن يحضر اليه في الخرطوم وبالطبع رفض سعادة العميد”م” أن يحضر وأفاد المٌرسال بأن يبلغ الذى أرسله بأنه لايحضر الي اى أحد ومن يريده عليه أن يحضر اليه…… يعاني المدعو صلاح إدريس من نرجسية مفرطة ، فهو للأسف ما يزال يحسب نفسه من وجهاء المجتمع وأعمدته ، صلاح إدريس هو الشاعرة الكاتب ًو الملحنو الإداري و السياسي ،وووووو، فريد عصره ووحيد زمانه أعلم الأنس والجن في عصرنا الحاضر ،في كل العلوم النظرية والتطبيقية …. قوم لف لفاك بلا ياخدك وياخد معاك أذيالك من حارقي البخور وماسحي الأحذية .

  5. غايتو ياارباب
    عمودك الناس بتعلق فيهو كتير خلاس
    هذا يدل علي وزنك وقيمتك في الساحه الهلاليه
    دمت زخرا للهلال

  6. اذيال الخادم فاطنة شاش الليلة صحو بدري

    الله يخيبكم يا باطلين يا عبيد الخادم

  7. تعرف يا المدعو أحمد ، الخادم أشرف مليون مرة من الطعرسة والإنكسار للأرباب ، …. أسوأ وأقبح مهنة في التاريخ هى كسير التلج ومسح الأحذية وحرق البخور لأصحاب المال …. طلحة وأحمد ألحقوا روحكم وشوفوا شغلة الرجال وأبقوا عليها … وكما يقول الأخ محمد زيدان أيها الهلالاب الشرفاء والشرفاء فقط أنتم في القلب .

  8. هههههه اخونا عوض عثمان تحياتي ياهلالابي
    ياخي والله شغله الرجال بنعرفا بالحيل وبعدين ياخي والحمدلله من قبل ومن بعد ماديا في نعمه والله والواحد مامحتاج لي راجل ود مقنعه وكسير التلج لرجال المال ولا العادين البنعرفون ماقاعدين نكسرو خلي نكسرو للارباب الماعندنا معاهو معرفه شخصيه زاتو وكل معرفتنا بيهو الهلال ده وبنشوفو في استاد الهلال ده بس .
    وبعدين الزول والحمدلله لديه معرفه بالحاصل ومازول بنقاد ساي وكل القصه قناعات بمن هو اصلح لقياده الهلال والارباب ده زاتو حسب وجهه نظر الزول عندو سلبيات وعندما نري ماهو ضد قناعاتنا ننتقد حتي الارباب فالهلال هو المهم عندنا ولا نقول ان الارباب فوق للنقد بس كمان النقد لما يكون من اجل النقد ساي ده شي لا نرضاه للرجل ولا نرضاه لاي شخص قدم للهلال في يوم من الايام .
    والواحد قاعد يعمل حسابو انو يكون كلامو يليق بشخصو وبنحاول ننتقي المفرده المحترمه ومابغلبنا الكلام الشين بنعرفو برضو ونسال الله انو الزول مايضطرا ليهو عشان بس شي غير جميل في حق الزول في نفسو .

    كسير تلج شنو يازول البنكسرو ههعهعععع
    مع خالص تحياتي

  9. يا سلام
    كلام واضح من الارباب وسرد حقيقي لقصة بوغبا من الالف للياء وكده عرفنا الكذاب منو .
    ولان الارباب كان رئيسا للهلال بكاريزما الرؤساء الاقوياء الذين يشبهون الهلال وتاريخه وبوجوده في رئاسة الهلال فقد الكثيرون منافعهم والان هم يتنفسون الصعداء مع رئيس الغفل كردنه .
    * عندما كان الارباب رئيسا كان له قلمه الذي يكتب به ولم يكن له صحفيين يطبلون له وهو يمتلك قلما قويا محترفا لا تجده عند اكبر الصحفيين ببلادنا .
    * الارباب كان رئيسا فخيما بمعني الكلمه وكان يعرف خبايا واسرار التسجيلات وامكانيات اللاعبين و مطلعا ودارسا للقوانين و كان يطمح في احداث ثوره ونقله للرياضه السودانيه .
    * بسرده لقصة بوغبا الان فقط عرفنا من هو الكاذب ومن هو الصادق .
    *وجود بوغبا وبويا وياسر مزمل وفارس ويسن يوسف في فريق الاهلي شندي يعني ان عين اهلي فاحصه وادارييه اكفاء وان الارباب يستحق ان يكون راعيهم الاول ولان التجارب الماثله امامنا تعطينا نموذج لفهم الارباب الكروي وقدرته علي اختيار اللاعبين ورعايته للمواهب الذين يختارهم بعنايه تمثل رعايه لمستقبل كرة القدم ببلادنا
    * دمتم ذخرا للسودان ايها الارباب .

  10. ياسلام عليك ياود الفكي ياخ
    اوفيت الرجل حقه وهكذا هو الارباب ولاجل ذالك ندافع عن الارباب ولاننا نري فيه من بيده ان يكون الهلال في الموقع الذي نحبه له .

  11. اما الكاردينال يستحق الشكر فيما فعله بالاستاد ونحفظه له اما مايخص فريق الكوره فلن تعمينا نتيجه مباراه المريخ عن ماكان عليه الفريق .
    والله لم نري فريق الهلال بالسو الذي كان عليه في عهد الكاردينال من قبل ومايهمنا هو الفريق واذا اجاد الكارينال في الفريق والله انا له من الداعمين ليس،لدينا مقدس وليس لدينا ماهو اكبر من الهلال
    ولكن بما هو راهن لانري من لديه المعرفه والدرايه لذالك وهذا هو مايجعلنا ضد الكاردينال

  12. طلحة ود الفكي واحمد شكلكم كدا كلكم حرامية لانكم معيدين حرامي جدة ….وبعدين فاطمة شاش ولوكانت خادم ي طلحة فانت حبشي من ام واب

    • اخي الكريم عثمان محمد نحن كلنا نحب الهلال طلحة وود الفكي يتاصرون الارباب دون تجريح الآخرين اماء الاخ احمد فأسأل الله الهداية لي وله.
      لقد تجاوز في حقوق الكثير من الهلالاب الشرفاء ووصفهم بصفات قبيحة.
      لذلك التمس منك شاكرا إلا تضع طلحة وود الفكي في منزلة واحدة مع احمد.
      وأسأل الله ان يهديني واياك والاخ أحمد لما يحب ويرضى.
      عاش الهلال كيانا يشمل الجميع

  13. الاخ احمد لماذا لا تريد وتناصر الارباب دون الإساءة للآخرين.
    إلا تستحي ان تصف الآخرين بأنهم عبيد؟
    امس سألتك (هل الارباب سيشفع لك امام الله)
    اتمنى لو تؤيد الارباب بنفس أسلوب الاخ طلحة الذي يؤيد الارباب دون الإساءة للأخرين ودون إنكار ما أنجزه الكاردينال
    اتقي الله في نفسك واعلم بأن لك نهاية وسوف تقف بين يدي الله وحينها لن ينفعك إلا عملك

  14. الاخ عثمان محمد
    هههه لي يعني حراميه ?
    عشان بندافع عن الارباب ?
    بنفس فهمك ده انت حرااامي عديييييل وخامش من قروش صقر قريش كمان عشان انت بتدافع عن الكاردينال
    ليس هكذا يكون القياس يااخ عثمان
    بعدين ياخي انا ماقلت فاطمه خادم ولعلمك انا شايف نفسي اكبر من اتكلم في فاطمه دي الزي فاطمه دي حقو الناس ماتتكلم فيها زاتو لا بي سمح لا بي،شين لاني هي عباره عن زوله ارزقيه ساي بتكتب للبدفع ليها والدليل علي كده من مزيعه في الرياضيه هسي عندها جريده ومن ساكنه شمبات الحله بقت ساكنه كافوري وفي ظرف خمسه سنوات بس .

    اما كلامك عن انو امي وابوي حبش هذا حديث يدل علي مستوي فهمك ومستوي فكرك وبدي اشاره لمحدوديه الجهد المبذول في تربيتك .
    وانا لا كان عندي دور في تكوين فكرك ولا حتي كان عندي دور في كيفيه تربيتك
    ولذالك لا استطيع ان ارد عليك وان عدت لذالك .
    مع حالص تحياتي

  15. وبعدين والله قبل كم يوم قريت لي عمود لي فاطمه دي يشهد الله لو كنت اخوها ولا ابوها كنت قطعت ليها يدها .
    عيب والله الناس تسمح لي زي فاطمه دي تكتب دي بتخرب حتي الحاجات الحلوه الفضلت عند الناس .

  16. وين القضية الكبيرة دي كفانا الله شر المرض….بعدين يا إخوانا طلحة وغيرة وغيرة..بعد كل المواقف العدائية التي وقفها صلاح ضد الهلال والتحالف مع أعداء الهلال والحفر ضد الهلال تقنعوا منو انو الأرباب ده بينفع في يكون حاجة في الهلال بالتالي انا بشكك في هلالية أي زول لفيف معاه.

  17. اخونا محمد حسين تحياتي
    كدي ادينا موقف وقفو الارباب ضد الهلال ولو عندك كم موقف قولوم كلهم عشان ارد ليك عليهم كلهم.
    مع تحياتي.

  18. مسكين واللة الراجل مجنون السجن كعب دمر دماغ صلاح

اضف رد

لن يتم نشر البريد الإلكتروني . الحقول المطلوبة مشار لها بـ *

*